सुटून जरी गेली रेती करातुनी
आता मजसाठी थांबोनी,
नवीन वाट आहे.
प्रलयात भयाण त्या कोणी
गेले मज शिकवोनी,
प्रत्येक हृदयस्पंदनी,
बघ येते लहरुनी
अविरत लाट आहे.
होते कधी व्याकुळ विरहिनी
नवमते प्रसवली मनगर्भिनी,
केले रुदन ज्यांनी,
तेथे सदैव सुखांनी
फिरवली पाठ आहे.
जाय प्राप्त निसटोनी
मग मन भरे निश्चयांनी,
समस्त दुष्कर यत्न्यांनी,
पुनरपि हर्षभरुनी
आणणे पहाट आहे.
आता मजसाठी थांबोणी,
नवीन वाट आहे ...
