एक नाजूक सुगंधी फुल
मंद वाऱ्याने डुलणारे डुल
किती कला चिमण्या अंगी
सर्व रमती त्याच्याच रंगी
बाळकृष्ण माझा ,
सुखाची नांदी ...
एक नाजूक सुगंधी फुल ...
खेळ किती अनोखे तयाचे
वेड मला उमजून घ्यायचे
बाळकृष्णाला माझ्या,
वेड जादुई दुनियेचे ...
एक नाजूक सुगंधी फुल ...
झोपता दिसे रूप सोज्वळ
रिती निरागसतेची ओंजळ
मम बाळकृष्णाच्या,
बाललीला अवखळ ...
एक नाजूक सुगंधी फुल ..
आजीच्या अंगाईची ओढ
आजोबांचे सर्व अजब लाड
माझा बाळकृष्ण ,
आहेच असा मधाहून गोड ...
एक नाजूक सुगंधी फुल ...
असे सुरेख गोंडस माझे मुल ...
No comments:
Post a Comment