मोकळा श्वास

काही नको देवा मला

हवा फक्त असा सहवास 

दमले जरी काम करताना 

मिळेल एक मोकळा श्वास 

उन्हातान्हात तापताना 

वाऱ्यापावसात भिजताना 

पाण्याशिवाय रुजताना 

जीवाला असेल एक आस 

मिळेल एक मोकळा श्वास 

अंत न तनाच्या वेदनेला 

रस्ता ओळख नसलेला 

जवळ करताना अंधाराला 

जीवाला असेल एक आस 

मिळेल एक मोकळा श्वास

भविष्य धुके पांघरलेले
भोवती वन निष्पर्ण झालेले
वाळवंट चौफेर पसरलेले
तरी जीवाला एक आस
मिळेल एक मोकळा श्वास

काही नको देवा मला
हवा फक्त असा सहवास
दमले जरी काम करताना
मिळेल एक मोकळा श्वास ...