मी आई

खरच प्रत्येकाला किती कौतुक
आपल्या प्रेमळ आईचं
मलाही वाटतो अभिमान
तिच्यासारखं माझ्या दिसण्याचा

किती जणांना लाभते भाग्य
तिची प्रतिमा होवून जगण्याचे
मीही करते पराकाष्ठा प्रयत्नांची
तिच्यासारखं सोज्वळ वागण्याचे

पण कसे बनता येईल
स्वतःच स्वतःची आई
विचार मनाला पोखरता
जीव नाराज होवून जाई

पण मीही तिच्यासारखी ,
निराशेला जागा मनी नाही
पुन्हा नवचैतन्याची पहाट
मनाने धरली पुन्हा नवी वाट

मीही नक्की होईल, गोंडस
एका पिलाची माऊली
आणि उन्हातान्हात, संकटात
बनेल त्याची सावली...