तीन दिसाचा संग तुझा!

                 देऊन गेला आसुसलेल्या माझ्या नजरेला 
            गुलाब पाण्याचा थंडावा 
            तीन दिसाचा संग तुझा!
            
            देऊन गेला रखरखत्या माझ्या शरीराला 
            थंड पावसाचा शिडकावा 
            तीन दिसाचा संग तुझा!
          
            देऊन गेला भुकेल्या माझ्या जिव्हेला 
            मधुर स्वादाच्या अनुभवा 
            तीन दिसाचा संग तुझा!


            देऊन गेला माझ्या थरथरत्या हाताला
            एक उबेचा स्पर्श नवा 
            तीन दिसाचा संग तुझा!


            देऊन गेला भरकटल्या माझ्या पायाला 
            एक रुपेरी मार्ग नवा 
            तीन दिसाचा संग तुझा!


            देऊन गेला तळमळनाऱ्या माझ्या मनाला 
            निशब्द प्रेमाचा ओलावा 
            तीन दिसाचा संग तुझा!