या ब्लॉगवर आपले सहर्ष स्वागत !

Saturday 21 January 2012

पहिल्या प्रेमातले अश्रू

प्रेमासाठी जगावे पहिल्यांदाच वाटले
पाहिल्या या प्रेमात का अश्रू नयनी दाटले 

वर्षभर उन्हात मातीचा कणनकण तापला 
वळीव बरसला तिला लोणी करून गेला 
सुखावली ती अशी कि सुगंधून गेली 
फुलेल फळेल नशीब बदलेल झाले कि ओली
सुखाचे दिवस थोडे का नाही कळले 
पहिल्या या प्रेमात का अश्रू नयनी दाटले 

शिशिराने लुटून नेले बहरल्या तरुला 
वसंत आला पर्णपुष्पाने तो नटला 
गर्द पालवी मनाला त्याच्या भुलवी 
फुलांचा बहर मंद वारा फांद्या झुलवी 
सुखाचे दिवस थोडे का नाही कळले 
पहिल्या या प्रेमात का अश्रू नयनी दाटले 

चातक पाही वाट नदीचे कोरडे काठ 
मन आनंदाने भरले मेघांची गर्दी दाट 
चातकाचे ओले ओठ भरली सरिता काठोकाठ 
संपली त्याची वाट तिला तर मार्ग तिचा पाठ
सुखाचे दिवस थोडे का नाही कळले 
पहिल्या या प्रेमात का अश्रू नयनी दाटले 

मीही  तरसले खूप खऱ्या प्रेमाला 
कुणीतरी केले टकटक बंद मनाला 
उमटली गोड लहर एक अंतरी 
कृष्णाची त्या झाले राधा बावरी 
प्रेमासाठी जगावे पहिल्यांदाच वाटले 
पहिल्या या प्रेमात का अश्रू नयनी दाटले  

4 comments:

सागर भंडारे said...

Sundar kavita

Manaapasun Awadli

shevat jast bhavala

प्रेमासाठी जगावे पहिल्यांदाच वाटले
पहिल्या या प्रेमात का अश्रू नयनी दाटले

सौ गीतांजली शेलार said...

thanx sagar !

suraj jadhav said...

kavita kharech khup sundar ahe. avdli mala.

सौ गीतांजली शेलार said...

धन्यवाद सुरज!