तुझ्याशिवाय जगताना

तुझ्याशिवाय जगताना मला खूप त्रास होतो
अवतीभवती वावरतोस असा सारखा भास होतो

दूर तू जाताना काहीही कारण सांग
मात्र प्रेम तुझे कधी नाकारू नकोस
प्रेमभारल्या तुझ्या शब्दांचा माझ्यासाठी श्वास होतो

वेदनेने भरलेल्या माझ्या जगात
आभासी अस्तित्व तुझे कधी नाकारू नकोस
जादूभरल्या तुझ्या असण्याने येथे सुखाचा वास होतो


तू इथेच असावे अट्टहास नाही माझा
स्वप्नातल्या प्रणयात तुझे येणे नाकारू नकोस
भारावल्या तुझ्या येण्याने जसा कृष्णराधेचा रास होतो

म्हणून सांगते मनातल्या माझ्या प्रेमात
आणि दिवास्वप्नात असणे तुझे नाकारू नकोस
कारण
तुझ्याशिवाय जगताना मला खूप त्रास होतो
अवतीभवती वावरतोस असा सारखा भास होतो