त्या वाटा

त्या वाटा सोनेरी झालेल्या
उगवतीचे रंग माझ्या ,
जीवनात घेवून आलेल्या
ना रुतणारया काट्यांची भीती
ना टोचणारया खड्यांची
आणि सुखाच्या सावल्या
बाजूच्या तरूंनी दिलेल्या
त्या वाटा ...

वाटांनाही माहित फक्त
तुझ्याच घराची चौकट
नागमोडी वळणे घेत ,
त्याही मजसवे तिथे
पोहचत्या झालेल्या
त्या वाटा ...
पायाखालच्या मखमली
गवतावर , ते थेंब दवाचे
विखुरलेले ,
भिजलेली वस्रे स्वर्णरंगी
ओलेत्यानेच त्या मजसवे
उंबऱ्यापर्यंत चाललेल्या
त्या वाटा ...
पाहून दोघांचे मिलन
पुर्वाही बहरली बघ
स्वर्णकेशरी वस्रे लेवून ,
तीही आली बघ
बघ दाही दिश्याही
मोहरून स्वर्णरंगी रंगलेल्या
त्या वाटा ...