आपण बदलायला हवं

वेळ आली आहे ,
आतातरी आपण बदलायला हवं
पैसे घेवून मत विकणे थांबवायला हवं

सरंजामशाही डोईजड होत आहे
आपल्या अस्तित्वालाच छेद देत आहे
लोकशाहीच रोप वाढवायलाच हवं
पैसे घेवून मत विकणे थांबवायला हवं

आपलं मत आपली अस्मिता आहे
तीच नसेल तर जगणेच व्यर्थ आहे
आपलं जीवन आता तरी सावरायला हवं
पैसे घेवून मत विकणे थांबवायला हवं

 भाषा चालू आहे अरेरावीची
अस्फुट भावना कोंडल्या मनीची
आता तरी स्वताला उघड मांडायला हवं
पैसे घेवून मत विकणे थांबवायला हवं

आज आपल्या अजून हातात आहे
आज सुपात उद्या जात्यात आहे
आता तरी क्षणाच्या लोभाला आवरायला हवं
पैसे घेवून मत विकणे थांबावायला हवं

अस्वस्थ समाजमन व्यक्त व्हायला हवं
वेळ आली आहे ,
आतातरी आपण बदलायला हवं
खरच मनापासून वाटतं,
पैसे घेवून मत विकणे थांबवायला हवं ........