पुन्हा जगताना

तुम्ही कधी पाहिलंय स्वताला पुन्हा वाढताना
स्वप्न उराशी घेवून जीवनाचा डोंगर चढताना

आईच सारे विश्व ,तिच्याच भोवती रमताना
मला हे दे आणून बाबा,नाही दिले कि रुसताना
तुम्ही पाहिलंय कधी स्वताला मनमौजी जगताना
स्वप्न उराशी घेवून जीवनाचा डोंगर चढताना

शाळेचा कंटाळा ,दांडी मारून खेळण्यात गुंतताना
राहिलेली शेवटची गोळी मित्रांसोबत एकत्र खाताना
तुम्ही पाहिलंय स्वताला असा आनंद गोळा करताना 
स्वप्न उराशी घेवून जीवनाचा डोंगर चढताना

शाळेतल्या विनोदावर घरी येवून पोटभर हसताना
दादाने मारले बाबा रागावले आईच्या कुशीत रडताना
तुम्ही पाहिलंय स्वताला इतके निरागस वागताना
स्वप्न उराशी घेवून जीवनाचा डोंगर चढताना

मी मात्र बघितलय स्वताला पुन्हा वाढताना
माझ्या पिलासोबत पुन्हा त्याच गोष्टी बघताना
पुन्हा तीच सुखे तीच दु:ख्खे तेच प्रेम उपभोगताना
स्वप्न उराशी घेवून जीवनाचा डोंगर चढताना



धन्यवाद माझ्या प्रिय बाळ सत्योम , गेलेले निरागस आयुष्य पुन्हा तुझ्यासोबत जगणे तुझ्यामुळे शक्य झाले. आजच्या वाढदिवसाच्या अगणित शुभेछ्या तुझ्यासाठी !  

                                               झोपेत जेवताना सत्योम !