तुला माहित आहे काय दिलेस तू मला ?
उजाड माळरानावर अंथरलेस हिरवाईला
स्वप्नांच्या सागरात बुडताना,
जेंव्हा श्वासही मला सोडून चाललेला
अचानक जवळ घेत धरलेस हाताला..
तुला माहित आहे काय दिलेस तू मला ?
नियतीच्या घावाने व्याकुळले मन होते,
पाहत तुकड्यांमध्ये विखुरलेल्या सुखाला
नकळत,हळुवार पुसलेस ओघळत्या अश्रुला..
तुला माहित आहे काय दिलेस तू मला ?
जीवनाच्या प्रत्येक कसोटीत बुद्धीही
हतबल जेंव्हा, फक्त अनुभवले हारण्याला
अंधारल्या मम मार्गात विखुरलेस प्रकाशाला..
तुला माहित आहे काय दिलेस तू मला ?
आनंदाने ओतप्रोत , सुगंधाने भरून
उरलेले पुष्प ,आणि बहरलेल्या तरुला
सगळेच जवळ करतात रे तू धैर्य दाखवलेस
आणि केलेस आपलेसे मजसम निराशेला..
खरच सांगते माझ्या आयुष्याच्या
वादळात हरवलेल्या नौकेला
तुझ्या येण्याने एक छान किनारा लाभला ..
म्हणून माझ्यासाठी श्वास तू अर्थ तुझ्यामुळे जीवनाला ....
अंधारल्या मम मार्गात विखुरलेस प्रकाशाला..
तुला माहित आहे काय दिलेस तू मला ?
आनंदाने ओतप्रोत , सुगंधाने भरून
उरलेले पुष्प ,आणि बहरलेल्या तरुला
सगळेच जवळ करतात रे तू धैर्य दाखवलेस
आणि केलेस आपलेसे मजसम निराशेला..
खरच सांगते माझ्या आयुष्याच्या
वादळात हरवलेल्या नौकेला
तुझ्या येण्याने एक छान किनारा लाभला ..
म्हणून माझ्यासाठी श्वास तू अर्थ तुझ्यामुळे जीवनाला ....
No comments:
Post a Comment